«Қазтеміртранс» акционерлік қоғамы («Қазақстан темір жолы» ҰК» АҚ 100%-дық еншілес компаниясы) – республика аумағы бойынша теміржол көлігімен жүк тасымалының 40% астамын жүзеге асыратын Қазақстан Республикасы вагон паркінің аса ірі операторы.  

«Қазтеміртранс» АҚ меншікті вагондар паркі 60 мың бірлікті құрайды: бұл жабық вагондар, платформалар, жартылай вагондар, сұйыққоймалар, дән тасығыштар, цемент тасығыштар, фитингтік платформалар.

Компания қызметі жүк вагондарымен операция жасау; көлік-экспедициялық қызмет көрсету; жүк вагондарын жалға беру; жүк вагондарын шығару және оларды жоспарлы түрлі жөндеуін жүргізу; металл сынықтарын сақтау, өңдеу және сату секілді бағыттарды қамтиды.

«Қазтеміртранс» АҚ жүк тасымалы саласындағы іскерлік әріптестеріне ірі көліктік және логистикалық кәсіпорындар, өндіруші зауыттар, өндіруші компаниялар. Шағын және орта бизнестің кәсіпорындары жатады.